原來我 Creativity is
By 原來我 Creativity is Follow | Public

創意,一個本來極簡單,卻又被神化又神化嘅一個概念。我地都渴望表達自己,希望自己嘅言行舉止能夠影響其他人,至少,能夠證明自己嘅存在。但往往,可能係身邊人,可能係個制度,同我地講,「你都係乖乖地跟大隊啦。」咁嘅情況下,點樣先可以有創意,點樣先叫創意?

《原來我》呢一套關於創意嘅短篇紀錄片,由香港獨立電影人楊曉芙執導、CNEX監製,訪問六位不同領域嘅人物(發明家、創業家 、心理學家、環保創辦人、空間設計師、瑜伽導師)為我地解釋創意思維嘅運作、同埋點樣重拾創作嘅動力。

我地將會喺香港唔同地方舉辦多場放映+體驗會,導演同監製團隊會帶領觀眾拋低既有想法,一齊探索同發現:只要學識點樣放低思想上嘅包袱,原來,我地每一個人都係創造者。

無論你覺得自己係零,定係靈感冇時停,創意都應該關你事!